Ogie Alcasid at Regine Velasquez
TALAGANG napa-hashtag #SanaAll na lang ang bagong Kapamilya actress na si Sunshine Dizon nang marinig ang mga naging pahayag nina Regine Velasquez at Ogie Alcasid tungkol sa kanilang pagsasama bilang mag-asawa.
Bilib na bilib ang aktres sa pagmamahalan ng celebrity couple na habang tumatagal ay tila mas lalo pang na-in love sa isa’t isa kaya naman inspirasyon talaga sila sa lahat ng mag-asawa sa showbiz.
Sa nakaraang episode ng “Magandang Buhay,” kung saan naging guest co-host si Sunshine, natanong ang Asia’s Songbird kung ano ang wish niya sa nalalapit na birthday ni Ogie.
“More than wish, I just want to say thank you to him for taking care of me while I was sick. Taking care of the whole family.
“Alam mo kapag asawa mo, kung ano ang sakit mo, sakit niya rin ‘yon. Hindi man niya physically mararamdaman but he carries it because he doesn’t want to see you suffer like that. So he was suffering with me,” sabi ni Regine na dumanas ng matinding migraine kamakailan.
Patuloy ng OPM legend, “I thank God for him every day. I told him this the other day. I don’t know if it’s at all possible kasi I am so in love with him, nadagdagan pa.
“Hindi ko alam kung posible pa ‘yon pero I’m so, so, so in love with my husband, nadagdagan pa. And I just want to say thank you for taking care of me,” aniya pa.
“Nakakatuwa ‘yung first time niya ako minasahe umiiyak ako the whole time not because kasi masarap ‘yung massage.
“I was very touched na he was doing that for me and I know that he’s very tired. He came from taping the whole day and he was giving me massage. So parang ‘are you serious?’
“So nandoon ako umiiyak ako talaga, ‘di dahil masakit ‘yung ulo ko but I was deeply touched by the gesture, the effort,” sey ni Regine.
Dito na nagkomento si Sunshine, “Parang ako ‘yung gustong umiyak eh. Sana all. Parang naiiyak ako, sana all,” ani Shine na hiwalay na sa ama ng kanyang mga anak.
Sey naman sa kanya ni Regine, “Darating din ‘yan. Normally when you are not expecting it. Like when he came into my life parang nag-surrender na ako, ‘siguro ganito na lang ako.’
“But he came at the right time, he came at the right moment. Although our beginning was very difficult and it was very hard and very painful.
“Ang daming mali sa umpisa namin but God gave us another chance and He made it right for us,” chika pa ng Songbird.
Sa darating na December, magse-celebrate na sina Regine at Ogie ng kanilang 11th wedding anniversary.