KINUMPIRMA ng dating aktres na si Michelle Madrigal na hiwalay na ito sa asawang si Troy Woolfolk.
Ayon sa dating aktres, sa ngayon ay dumadaan sila sa proseso ng divorce.
“@twoolf29 (Troy) and I have been separated and are going through divorce. Of course, we have remained friends and co-parents to our beautiful daughter Anika,” pahayag nito.
Nagdesisyon ang dating aktres na isapubliko ang balita kahit hindi naman dapat dahil minsan rin namang naging saksi ang madlang pipol sa kanilang love story.
Nais rin niyang maging “transparent” dahil marami siyang natatanggap na comments at direct messages mula sa fans na sumusubaybay sa kanila.
Kasabay ng kaniyang anunsyo, humihingi ang dating aktres space at nawa’y respetuhin ng netizens ang kanilang desisyon.
“We thank y’all for all the love and support you have given The Woolfolk family. We will always have love for each other and cherish the good times rather than the bad ones,” dagdag pa nito.
Sa isang separate Instagram post, kinumpirma rin ni Troy ang hiwalayan dahil sa pagiging “intrusive” ng mga netizens sa kanila.
“We have separated… So please stop asking. It’s a shame that I even have to make this post but a lot of people have been so dang intrusive in my life and not letting me love so I felt forced to validate something that is really none of their business,” saad nito.
Nag-decide ang dalawa na maghiwalay dahil mas okay raw silang maging magkaibigan kesa sa pagiging mag-asawa.
Ayon pa sa kaniya, “We still have that friendship, just not the companionship in the sense of marriage.”
“We have no drama, we are still cool. I will always love (Michelle) cause she is the mother of my child that we will co-parent together. I still love everyone in her family and will continue to treat them like my own,” dagdag pa nito.
Nagkakilala ang dalawa sa pamamagitan ng isang dating app at nagdesisyong magpakasal noong 2019.