KIER LEGASPI AT DANI BARRETTO
PITONG taon na hindi nag-usap at nagkita ang mag-amang Kier Legaspi at Dani Barretto matapos silang magkaroon ng matinding away.
Nagbahagi si Dani sa publiko ng ilang detalye tungkol sa relasyon nila ng kanyang tatay kabilang na ang dahilan kung bakit umabot ng seven years ang hindi nila pagkakaunawaan.
Kuwento ng anak ni Marjorie Barretto, nagkaroon sila away ng ama noong nanirahan siya sa bahay nito. Aniya, tatlong buwan din siyang nag-stay doon para kahit paano’y makilala niya si Kier.
Pahayag ni Dani, nagtataka at nasasaktan siya kung bakit hindi niya nakakasama ang tatay niya kahit alam niya na nasa bansa lamang ito at pwedeng-pwede siyang puntahan at dalawin.
“Because I knew that he was just around eh. I knew that hindi naman siya OFW,” aniya sa chikahan nila ni Vicki Belo.
“Pero parang when I got older and like when I had more freedom na to reach out to him and see him, I did, I tried. I reached out to him,” aniya pa.
Pagbabalik-tanaw pa ni Dani, nagdesisyon siya noon na manirahan sa bahay ni Kier, “to get a different point of view in life.”
“At one point, I actually lived with him pa for three months. I was 19. It was like a very dark phase in my life and at that time, I wanted to get to know him.
“Parang I wanted a different point of view. Parang I lived with my mom all my life. Parang I wanted naman to try to know my dad. So, I lived with him for three months,” paliwanag ng sisteraka ni Julia Barretto.
“Tapos we actually had fun. Du’n ko nakilala ‘yung dad ko. Parang we had a relationship. Parang we had great memories of him. But, naudlot siya. Parang after three months, du’n kami nagkaroon ng falling out.
“There was a fight. Parang a fight occurred one night. And hindi na namin na-resurrect that night. We just stopped talking after that fight. And then it has been seven years,” pag-amin pa ni Dani.
Ngunit sa kabila ng lahat ng mga nangyari, itinadhana pa rin daw ang kanilang pagbabati. Siya raw ang gumawa ng paraan para magkausap sila uli ng ama.
“I spoke to him last year. I called him. Nag-usap kami about a lot of things and parang also because I had a baby,” sey pa ni Dani.
“And I was very emotional because of course I knew he’s just there and I want my daughter to know him, ‘di ba? Parang I want my daughter to know him.
“I don’t know want our daughter to grow up na what if she asks me about my dad wala akong masagot because I don’t know what’s happening with his life.
“I don’t even have his number. I had to ask for his number sa Lola ko — his mom. I called him and then we spoke. We kept trying to plan to see each other but because of COVID, hindi kami matuloy-tuloy,” kuwento pa ni Dani Barretto.