GOING strong pa rin ang relationship ng model-actress na si Maureen Wroblewitz sa young singer at songwriter na si Juan Karlos “JK” Labajo.
Ayon kay Maureen, maayos at walang masyadong issue sa relasyon nila ng kanyang boyfriend at mas gusto raw nila na pa-low profile lang ang kanilang lovelife para less tsismis at intriga.
Sa nakaraang Star Magic Black Pen Media Con kung saan isa sa Maureen sa mga pormal na ipinakilala bilang bagong artist ng talent management ng ABS-CBN, nagbahagi ang dalaga ng ilang detalye tungkol sa kanila ni JK.
Isa raw sa mga sikreto ng maayos na pagsasama nila ng singer-actor ay ang bukas na komunikasyon at pagiging totoo sa isa’t isa.
“It is really communication. He knows everything about me and I feel really comfortable in telling him everything. Communication and trust is really important,” ani Maureen.
Sabi pa ng dalaga, iniiwasan din nilang mag-post nang bonggang-bongga sa social media ng mga kaganapan sa kanilang buhay bilang magdyowa.
Sa tanong kung payag ba siyang makatambal sa isang acting project si JK, isang mabilis na “yes” ang kanyang naging sagot.
“If he decides to do acting again, of course. I’d love to,” sabi ni Maureen.
Kung matatandaan, napanood si Juan Karlos sa ilang serye ng ABS-CBN, kabilang na ang “A Love to Last” at “Pangako Sa ‘Yo.”
Ano naman ang mga dream role niya ngayong handa na siyang sumabak sa aktingan, “I really like challenging roles. I like roles that are not close to my personality.
“I would describe myself as kind of weird or awkward a lot of times so if there is a role that is too close to my actual personality, I feel like I’d have a hard time doing that strangely.
“So I could even try kontrabida roles, being the mean girl I’m very open to that,” aniya pa.
Samantala, looking forward din ang dalaga na makatrabaho in the future ang sinasabing ka-lookalike niyang si Liza Soberano.
“Yes I would love to work with her. I feel like I would be a bit intimidated by her. But I’ve been a fan of her ever since I was 15 so I look forward to working with her if there is an opportunity.
“Also, I’ve always looked up to Kathryn Bernardo. I’ve been a fan ever since I was really small. I watched her on Goin’ Bulilit,” sabi pa ni Maureen.
Tungkol naman sa mga Kapamilya actors na nais niyang makatrabaho, “I don’t really have anyone particular in mind. It’s a dangerous question because a lot of actors are paired up in love teams. I don’t really have anyone.”