NAGING emosyonal si Kapuso actress Jasmine Curtis matapos mapanood ang surprise video message mula sa kanyang Mommy Carmen na naka-base ngayon sa Australia.
Bahagi ito ng naganap na napakasaya at super exciting na FunCon na inorganisa ng GMA Pinoy TV nitong nagdaang June 30.
Nakasama ni Jasmine rito ang kanyang co-stars na sina Alden Richards at Tom Rodriguez ng highly-anticipated primetime series na “The World Between Us.”
“I miss my mom so much. We haven’t spoken kasi in like two weeks so thank you for that surprise. Like it’s making everything so worth it and I miss her so much,” naluluhang pahayag ng dalaga.
Sa naturang video message ay inilarawan ni Mommy Carmen ang anak na si Jasmine, “Very friendly siya and very loving daughter, ganyan, and mahilig siyang kumain ng Pinoy food, beef steak, adobo, mga ganu’n.”
Dagdag pang chika ng kanyang ina, “Keep smiling and ‘wag kang masyadong mag-isip sa ngayon dahil I know that you’re always worried na hindi tayo nagkikita but I always love you.”
Samantala, bukas na ng gabi magaganap ang world premiere ng pinakabagong primetime series ng GMA, ang romance drama with a big twist na “The World Between Us”.
Ayon kay Alden, ito na ang pinaka-exciting at pinaka-challenging na role na nagampanan niya, “When we started reading the script, iba ‘yung binabasa mo na siya from naririnig mo lang ‘yung kuwento.
“That started the fire within me to create this character na very relatable. With the cast, the story, the director, I think this is going to be one of my best teleseryes in five years,” pahayag ng Asia’s Multimedia Star.
Para naman kay Jasmine, hindi na sila masyadong nahirapan ni Alden na ipakita sa viewers ang kanilang on-screen chemistry, “Pareho kaming in love sa characters namin and sa story nilang dalawa so that makes the chemistry so much easier kasi ramdam mo ‘yung kilig ng character mo.
“We’ve done projects before and although short period lang ‘yun, it was still enough to build a good foundation. I’m grateful kasi it’s been so fun and easy to work with Alden,” dagdag na pahayag pa ng Kapuso actress.
Samantala, ibinahagi naman ni Tom ang “complexity” ng kanyang character sa serye, “At first glance, it may seem like mahirap maka-relate kay Brian. But as I read the script even more, one thing became so clear, that he’s a wounded person.
“Having been wounded myself in my life, maybe not to the same extent that he has, mas na-curious ako what makes him that way. I realized that he’s only hungry for love and affection,” aniya pa.
Makakasama rin nina Alden, Jasmine at Tom sa pinakabagong aabangang serye sa GMA Telebabad sina Dina Bonnevie, Jaclyn Jose, Sid Lucero, Kelley Day, Yana Asistio at marami pang iba, sa direksyon ni Dominic Zapata.