TINAPATAN ng BL (Boy’s Love) actor ang kadramahan ng isang beking talent manager na pinaniniwalaang lover niya.
Ang ginawa ng binata para “makaganti”, nag-post din siya ng mga pasaring sa social media tungkol sa gay manager.
Nakita ng fans ang mga hugot post ng BL actor kaya nalilito na sila ngayon kung totoo nga ba ang relasyong ito o pag-iilusyon lang ng beking talent manager.
Tinatanong ng ating source kung totoo raw ba na nag-iibigan na ang dalawa o nami-misinterpret lang ng mga nakakakita at nakakakilala sa kanila.
Iba kasi talaga ang ikinikilos ng manager lalo na ang ipinakikita niyang kabaitan at malasakit sa aktor.
Ibinibigay niya ang lahat sa lalaking ito at halos mabaliw siya sa paghahabol sa kanyang talent. At dahil dito, pinupuna na siya ng mga tagahanga ng BL actor.
May mga na-disappoint pa nga dahil ganu’n daw pala ang idolo nila —abusado. E, kasi nga, tanggap lang daw nang tanggap ang aktor sa lahat ng ibinibigay sa kanya.
Sabi ng source, may mga supporters na nagsabing hindi na nila susuportahan ang binata. Bahala na raw siya sa buhay niya at ayaw na nila magpaka-fan. Wala naman daw magandang influence ang aktor na ito.
Unti-unti na rin kasing nakakarating sa fans ang attitude ng lalaking ito kaya nanlamig na sila. Sey ng isang fan, “Ay ganyan pala ‘yan. Mayabang pa!”
Umaasang makakabalik at makakabangon pa sa pagkakadapa ang BL actor na ito at lahat daw ay gagawin niya para lang magka-break uli.
Sa ngayon ay pagti-TikTok na lang ang pinagkakaabalahan niya. “Kung gaano sana siya kabait sa social media ay ganu’n din sana siya kabait sa totoong buhay,” pagtatapos ng ating source.