Nagkamali kasi ang actor-politician sa pangalang nabanggit sa kanyang FB status — sa halip na Lapulapu ay si Ferdinand Magellan ang nakasulat dito.
Ipinagdiriwang ngayong araw ang 500th Anniversary of the Victory at Mactan (Battle of Mactan) na nangyari noong April 27, 1521 kung saan natalo ng grupo ni Lapulapu, (isa sa mga datu ng Mactan, Cebu), ang tropa ng mananakop na Portuguese explorer na si Ferdinand Magellan.
Ayon sa unang post ni Jolo na burado na ngayon, “Isang pagsaludo sa kagitingan ng isa sa mga unang bayani ng bayan na si Ferdinand Magellan na nagbuwis ng kanyang buhay para sa kalayaan 500 taon na ang nakaraan.
“April 27, 500th Anniversary of the Victory at Mactan,” sabi pa sa mensahe ng anak nina Bong Revilla at Lani Mercado. Kalakip nito ang ang monumento ni Lapulapu.
At dahil mabilis na kumalat ang FB post ni Jolo marami ang nakapansin sa nasabing pagkakamali. Kaya naman agad itong binura ng aktor sa kanyang Facebook page.
Humingi siya ng paumanhin sa pangyayari at sinabing nagkamali sa pagpo-post ang kanilang social media intern dahil hindi raw muna niya ito pinaaprubahan sa mga kinauukulan.
Paglilinaw ni Jolo, “I apologize for the earlier confusing post on our celebration of Lapu-lapu’s victory in Mactan 500 years ago.
“An intern in our social media team posted the caption to our meme without first clearing it.
“Again, my sincerest apologies to our Cebuano kababayans and to all Filipinos,” aniya pa.