Totoo nga bang buntis si Melai Cantiveros courtesy of her boyfriend Jason Francisco. Isa ito sa mainit na pinag-usapan kahapon sa mga social networking sites matapos ngang kumpirmahin ng ating friendship na si Ogie Diaz.
Ayon sa ulat, dalawang buwan nang nagdadalang-tao ang TV host-comedienne at made in Singapore raw ang baby. Ibig sabihin ito ‘yung mga panahong kasama sila ni Kris Aquino sa taping ng morning show nilang Kris TV sa ABS-CBN.
Well, kung totoo nga ito, ibig sabihin natupad na ang wish ni Jason na magkaanak na sila ni Melai. Sa huling interview kasi namin sa binata sinabi nitong gusto na nilang magka-baby pero aniya, mas okay pa rin kung ikasal muna sila bago magkaanak.
Speaking of Kris Aquino, inikot kahapon ng buong team ng Kris TV ang Kapitolyo para sa isa na namang katakam-takam na food trip, ngayong araw diretso sila sa Divisoria at bukas naman at nasa Evangelista sa Makati.
Sa Huwebes tutungo sa SKAL Tourism Awards si Kris at segue sa kanyang Fiesta Noodles commercial. At sa Sabado tatanggap ng award mula sa Eduk Circle Awards si Kris na susundan naman ng Christmas pictorial ng Aquino family.
Then sa Sunday, simula na ang shooting ng “Little Bossings” nina Vic Sotto, Ryzza Mae Dizon at Bimby na entry sa MMFF 2012. Special participation lang dito si Kris.
( Photo credit to Google )