SINITA ng isang netizen ang tila walang tigil na pagbibiyahe ng aktres na si Alice Dixson sa gitna ng patuloy pa ring banta ng pandemya sa iba’t ibang bahagi ng mundo.
Hindi nagustuhan ng ilang social media followers ni Alice ang inilabas nitong teaser para sa bago niyang vlog sa YouTube kung saan ipakikita raw niya ang naging experience sa domestic at international travels sa North America.
Ipinost ito ni Alice sa Instagram last April 16 ang nasabing teaser at sinabing, “More on my vlog… how to travel domestic & international within N. America with all these travel restrictions; coming up next on my Youtube.”
Makikita sa maikling video clip si Alice na nagda-drive ng sasakyan at pinaniniwalaang palabas ng Canadian border at patawid ng U.S. border.
“Okay so we’re all packed and ready to cross the border into the United States. I have all of my documentation and requirements. So wish us luck.
“Just passed the Canadian Border Control. And here’s the Peace Bridge heading back to the US,” pahayag ng aktres na malapit nang mapanood sa upcoming drama series ng GMA, ang “Legal Wives” with Dennis Trillo.
Makalipas ang ilang oras nang pagda-drive, nakatawid din si Alice ng U.S. Border Control, “Okay guys so that was it. My entry into the United States. I am entering now Buffalo, New York.”
Nagtungo siya sa Amerika para sunduin ang kanyang newborn baby na nabuo sa pamamagitan ng surrogacy. Binisita rin doon ng aktres ang kanyang kapatid at iba pang kamag-anak.
Samantala, sa comments section ng IG post ni Alice, isang netizen na nasa Australia ang pumuna sa kanya at nagsabing huwag mag-travel nang mag-travel lalo pa’t hindi pa totally kontrolado ang killer virus.
“How do you even travel? We have no community transfer here in Australia, nobody has Covid. They have closed all our borders. We can’t even move.
“People should stop travelling so Covid can go away soon, this is the reason why the world is infected because people don’t remain where they are…please stop travelling,” warning ng netizen.
Sagot naman sa kanya ng aktres, “Some people are very narrow minded. Especially those who judge the actions of others without having any real sense of understanding.
“My travels are of necessity – not of desire. Likewise I take responsibility and precaution.
“So instead of telling me what I should do, I suggest you tend to your own thoughts & life. Respectfully x,” pahayag pa ni Alice.
Nauna rito, ipinakita rin ng aktres sa Instagram ang isang video kasama ang kanyang newborn baby na tinawag lamang niya sa pangalang “Baby A.”
Naglaan daw talaga siya ng oras para mapuntahan nila ng kanyang baby ang Niagara Falls na nasa border ng Ontario, Canada at New York.
Sey ni Alice sa caption, “Everything about this place is, magical, good memories, constant movement, water, energy. Life symbolisms.
“I guess that’s why I was compelled to return, even for just a short while, to take in the fresh invigorating air, a picture and honor my dad and the dreams he must have had for me at the time.
“I look forward to tell that story of grandma & grandpa to Baby A someday & a proper visit during better times!
“BTW wala nmn sya talaga sa kumot kundi sa stroller, hahaha. Beauty from both sides. #Niagara,” aniya pa.