BINASAG ni Nadine Lustre ang mga netizens na namba-bash at nang-ookray sa bago niyang TikTok dance video na milyun-milyon na ang views ngayon.
Umabot na sa humigit-kumulang 5 milyon ang nakapanood na sa nasabing video kung saan makikita si Nadine na humahataw bilang bahagi ng ad campaign para isa isang smartphone brand.
Sa kanyang Twitter page, nag-post ang aktres ng, “Btw, 4.7m (views). Couldn’t care less if it was people sh***ing on me. It gave good analytics… or views.”
Sabi naman ng ex-girlfriend ni James Reid sa lahat ng kanyang fans at Twitter followers, “Ya’ll can chill now. No need to make bantay to defend. Grateful for all of you.”
Hindi naman binanggit o ni-repost ng dalaga ang mga comments na naging ugat ng kanyang paglalabas ng saloobin ngunit base sa mga reaksyon ng ilan niyang tagasuporta, mukhang isang dance group ang pinatatamaan ng aktres.
Dagdag pang mensahe ni Nadine, “People are always so thirsty to sh*t on someone.
“I’ve always been bullied since I was younger, so I’m totally used to it. I’ve become bullet proof. I’m very much concerned for people who don’t have the same mental [and] emotional load as me,” dagdag pa ng award-winning actress.
Aniya pa, “At the end of the day, pretty sure there are reasons as to why people act a certain way.”
Binanggit pa ng dalaga ang sikat na reality series na “RuPaul’s Drag Race”, kung saan lumalantad ang mga bully sa ending ng bawat episode. “So girl, let’s talk,” diin pa ni Nadine.
Samantala, sinagot din ng dalaga ang isang netizen na nagtanong kung bakit nananatili pa ring kalmado at mapagpatawad. Aniya, “Because it takes a lot more time and effort to be unkind… and I have so much shxt to do.”
Sa huli, tila nagbanta naman si Nadine sa lahat ng mga basher at bully sa social media,“I still bite sometimes… Still a btch. I just don’t have time.”