BUKOD kay Richard Yap, may isa pang leading man si Heart Evangelista sa bago niyang teleserye sa GMA, ang “I Left My Heart in Sorsogon.”
Wala pang idea ang tinaguriang Queen of Creative Collaborations kung sino ang isa pang aktor na makakatambal niya sa serye dahil kinailangan pang “magpa-audition” ng production para sa nasabing role.
Ngayon pa lang ay excited na ang Kapuso actress sa magiging lock-in taping nila sa “I Left My Heart in Sorsogon” dahil after more than three years, ngayon lang uli siya sasabak sa paggawa ng teleserye.
Ang huli pa niyang Kapuso series ay ang “My Korean Jagiya” kung saan nakatambal niya ang Korean actor na si Alexander Lee na umere noong 2017 at tumagal hanggang 2018.
“I’m very, very excited about that. I’ve been so so excited! It’s been three years since my last soap so medyo kailangan ko na as an artist ng some kind of a release. I’m very very excited about that,” pahayag ng aktres sa isang online interview.
Ito rin ang unang pagkakataon na makakatrabaho ni Heart si Richard Yap, “I haven’t met him actually. I’ve never met him or spoken to him, but we do have common friends and they have really nice things to say about him.
“I’m very very excited because it’s so important for me to work with someone that’s nice,” chika pa ng misis ni Sorsogon Gov. Chiz Escudero.
Dagdag pa ng aktres, “I’m very excited and I really love his character. I can’t really reveal his character but I feel like I’ve known his character for so long. I can’t wait to work around his character.”
At tungkol nga sa isa pa niyang leading man sa serye, “I recently did a Zoom meeting and we did like a screentest where I met different actors. Ang gagagaling nilang lahat so I think they’re having a hard time choosing.
“Actually, it’s a beautiful love story. I’m very, very excited kung sino ‘yung isa pang leading man kasi parehong mabigat ‘yung character. They have to be equally amazing and talented and mahirap pumili,” dagdag pang chika ng Filipina fashion icon.
So, wait na lang tayo kung sino ang maswerteng Kapuso actor na mapipili para maging second leading man ni Heart sa “I Left My Heart In Sorsogon.” Kayo ba guys, sino sa tingin n’yo ang babagay bilang bagong partner ni Heart?