ITINANGHAL na first runner-up ang representative ng Pilipinas na si Samantha Bernardo sa katatapos lang na 2020 Miss Grand International pageant.
Hindi pa rin sinuwerte ang bansa na masungkit ang korona at titulo ng Miss Grand International na naiuwi ni Abena Appiah ng U.S.A.. Wala pang Pinay ang nananalo sa nasabing pageant.
Ang 2019 Miss Grand International na si Valentina Figuera ng Venezuela ang nagpasa ng korona kay Abena sa ginanap na grand coronation ng pageant sa Show DC Hall sa Bangkok, Thailand kagabi.
Wagi namang fourth runner-up si Miss Grand Brazil at third runner-up si Miss Grand Indonesia.
Kasunod nito, biglang in-announce ng host ng pageant na si Matthew Deane na nag-tie ang scores nina Miss Philippines, Miss U.S.A, at Miss Guatemala (Ivana Batchelor).
At para i-break ang tie, muling sumabak sa isa pang question and answer portion ang tatlong kandidata. Ang tanong, “Kung may isang dose na lang ng COVID-19 ang natitira, kanino ito ibibigay: sa 15-anyos na bata o sa senior citizen na 70-anyos.”
Sagot ni Miss U.S.A., “I would choose to give it to the sixteen-year-old, only because I believe that children are the future. They are going to make the world a better place. They are the ones that are gonna set examples to the future generation.
“And I believe that I will give it to the sixteen-year-old because I want the sixteen-year-old to have a better future in life. I believe that they are going to change our world. We need to change our world,” aniya pa.
Ito naman ang naging sagot ni Samantha, “My heart goes to senior citizen because my mom is turning senior citizen. And I’ve experienced the loss of my dad four years ago, and I cannot afford to lose my mom.
“My heart goes to them because they are the most vulnerable during this time. A fifteen-year-old has the stamina to fight the COVID-19 pandemic and with proper exercise and healthy living, they can live with it.
“I know as well that every citizen here will choose and never afford to lose their parents, and so, I choose senior citizen,” aniya pa.
At tulad ni Miss U.S.A., ang 15-year-old din ang pinili ni Miss Guatemala kesa sa senior citizen. Waging second runner-up si Guatemala habang first runner-up nga si Miss Philippines at si Miss U.S.A. nga ang kinoronahang Miss Grand International.
Sa mga nakaraang Miss Grand International pageant, may dalawa pang Pinay candidate ang pumasok sa finals — sina Nicole Cordoves (first runner-up, 2016) at Elizabeth Clenci (second runner-up, 2017).