MABILIS na pinabulaanan ng Kapamilya actress na si Liza Soberano na engaged na siya sa kanyang boyfriend na si Enrique Gil.
May isang netizen kasi ang nag-comment sa Twitter na tila nagpapahiwatig na nag-propose na sa dalaga ang boyfriend nitong si Enrique Gil.
Sa mensahe nito, tinawag ng netizen na “fiancée” na ni Enrique ang aktres at may nabanggit pa tungkol sa proposal video. Ngunit agad na idinenay ni Liza na ang engagement rumor.
Tweet ng Kapamilya star, “I’m sorry to burst your happy bubble but if I was engaged, I would be loud and proud. I wouldn’t hide it.”
Kung matatandaan, noong 2019 umamin si Liza na taong 2014 pa sila nagde-date ni Enrique. Ito rin yung panahong umariba nang todo ang kanilang loveteam dahil sa teleserye nilang “Forevermore.”
Kamakailan, naging headline na naman ang dalaga matapos maglabas ng saloobin tungkol sa umano’y kakulangan at pagpapabaya ng pamahalaan sa mga Filipinong nawalan ng trabaho at kabuhayan dahil sa COVID-19 pandemic.
“My heart bleeds for all the people who cannot afford not to go out and work.
“They literally have to choose between dying of starvation or dying of covid. Is our country really this poor to no be able to provide stimulus?? Genuine question lang po,” ang tweet ni Liza noong March 22.
Aniya pa, “America has received 2 rounds of stimulus already, waiting on the 3rd. Covid testing is free, vaccination is free.
“Where is the support for the poor in our country? Madali lang naman po mag stay at home if everyone has food on the table and money to pay the bills,” mensahe pa ni Liza.