Ayon kay Shawie, fake news ang lumabas na balita na pumanaw na ang kanyang kaibigan na itinuturing din niyang nanay-nanayan sa showbiz.
Agad na inalmahan ng award-winning singer-actress ang pekeng balita at sinabing walang katotohanan na sumakabilang-buhay na ang veteran make-up artist matapos magkaroon ng “massive stroke.”
Ni-repost ni Sharon sa Instagram ang screenshot ng nasabing fake news na lumabas sa Facebook at nilagyan ng caption na, “This is circulating now. It is fake news.
“May malay si TF today so I called him and the nice nurse put me on speaker kaya nakausap ko siya kahit di siya makasagot.
“Please help us spread the word that he is still with us. Buhay pa siya.
“And to those who have nothing better to do, this is not the time to be assholes okay?
“Sorry, pero ang sasama nyo!” ang masamang-masama ang loob na sabi pa ni Mega.
Base sa ipinost na screenshot ni Sharon sa IG, ang pangalan ng FB user na nag-post na pumanaw na si Fanny Serrano ay Esmael Bernardino Lopena na lumalabas sa mga indie movies.
Nag-comment ito sa IG post ni Mega at nag-sorry, “Hi maam Sharon I am realy realy sorry for that miss information I am Esmael Lopena From Calumpit Bulacan And I am a so big fan of you and Tita Fanny Serrano…
“I was a big big mistake I… I deleted my post right away… mali po ang nagbalita rin sa akin sa group chat namin and binawi nya po ito agad I am so so sorry.
“I am realy sorry Wala po akong masamang intensyon sa aking na post… that was a mistake At mali din po ang ipinarating sa balita sa akin Mahal na mahal ko po kayo at si tita Fanny,” paliwanag ni Esmael.
Nauna rito, ibinalita ni Sharon na naka-life support na ngayon sa isang ospital ang kanyang kaibigan, “HINDI KO NA KAYA. Tita Fanny is now on life support… meaning, without all the machines connected to him, he would no longer be able to breathe on his own…
“I do not know what to do with myself… TF, I promised you years ago that I would take care of you until the end. But THIS IS NOT the end I want for you.
“I know it’s all God’s call and His decision, but I wish you weren’t in this situation. I truly have no words to say… there are just no words to say… there are just no words for how painful this is for me and the others who love you.
“Bakit naman ni hindi tayo puede magkita ngayon pa? Puede mo ba ako hintayin na mayakap at mahalikan at ipaalala sayo gaano kita kamahal?
“Para na kitang Nanay… I love you so much…Bakit naman right after Rocky’s passing ikaw naman ang nasa peligro ngayon?” sabi pa ng aktres na ang tinutukoy na Rocky ay ang international designer na si Rocky Gathercole, na isa ring certified Sharonian.
Dugtong pa ni Mega, “Bakit ba yung mga pinakamahal ko o tumatak sa puso ko, kayo ang umiiwan sa akin in these past couple of years lang? PAGOD NA PAGOD NA AKONG NAWAWALAN NG MAHAL SA BUHAY. Huwag muna po sana, Lord,” dasal pa ni Mega.