INIYAKAN ng TV host-vlogger na si Alex Gonzaga ang balitang may mga tagasuporta siyang masama ang loob dahil feeling nila, binabalewala at dinededma lang sila ng dalaga.
Nang makarating kay Alex ang isyung ito, agad siyang naglabas ng mensahe sa kanyang social media account para linawin ang problema.
Sabi ng aktres at YouTuber, talagang naapektuhan siya nang malamang may ilang fans na nagsasabing feeling “neglected” sila sa kabila ng walang sawang pagsuporta sa kanya ng mga ito.
Nag-post si Alex sa kanyang Instagram Story para sa lahat ng kanyang supporters na patuloy na nagmamahal at nagtitiwala pa rin sa kanya.
“People may call me anything they want but I will never ever be ungrateful. I love you all and I appreciate you.
“Knowing some of you feel neglected makes me sad. Kilala ko kayo by your usernames especially when I see all your tags and efforts. You are all part of my journey. Blessing kayo lahat sa akin,” pahayag ng sisteraka ni Toni Gonzaga.
Ipinagdiinan pa ng TV host na kahit nasaan pa mang bahagi ng mundo ang kanyang mga tagahanga at tagasuporta ay patuloy niyang mamahalin at walang pagod na pasasalamatan.
“Madami, kaunti, malayo, malapit, madalas, minsan… alam kong sumusuporta kayo. Mahal ko kayo at ng buong pamilya namin,” sey ni Alex.
Dagdag pa niyang message sa madlang pipol, “I don’t get affected because of bashing but this one with my supporters made me cry because I really appreciate all of you. Let’s just have peace please.”