ISANG flight attendant umano ang nagpapakalat ng chika na isang “certified feelingera” raw ang Kapuso actress na si Heart Evangelista.
May tagahanga kasi ang aktres at fashion icon na nagsabing may taong nag-post sa isang TikTok video kung saan ninega nga nito ang misis ni Chiz Escudero.
Sa Twitter, ipinaalam ng netizen kay Heart ang tungkol sa pang-ookray sa kanya ng nasabing flight attendant pero aniya parang hindi naman siya naniniwala sa mga nabasa niya.
“Just found out that Heart Evangelista is one of those celebs who look so good on social media but is actually entitled and always uses the ‘artista ako’ card. eeeekkkkk!” ang sabi raw ng TikToker.
“I just saw the comment on Tiktok from a cabin crew, and was surprised because I like Heart,” ang tweet ng fan ni Heart.
Agad naman itong sinagot ni Heart at nag-explain, “Never had a bad experience on the plane – well except one time I asked if they can help me with my luggage cause I just had a miscarriage and I wasn’t allowed to carry anything heavy but the guy gave me a look so I ended up doing it myself.”
Dagdag pa ng aktres, hindi raw Pinoy ang na-encounter niyang cabin crew, “He wasn’t Pinoy so he didn’t know me at all.
“Baka naartehan lang siguro sa kin kasi naka heels ako (most of the time) one things for sure … I would never be ‘feelingera,'” dugtong pa ng Kapuso star.
Sumagot uli ang supporter ni Heart, “That’s rude of him! And no, you don’t need to explain yourself, Ms. Heart. I didn’t believe it naman, I was just surprised na kasama ka doon sa list nya.”
Reply naman sa kanya ni Heart, “I don’t think he’s rude. sometimes you need to get to know the person first siguro. natural that some people judge you, that’s fine. you can’t win them all.”