Feeling kasi ng dalaga, sa dami ng mga ginagawa niya ngayon sa personal na buhay at showbiz career hindi na niya kakayanin ang “mag-alaga” pa ng ibang tao.
Ngunit kahit daw single pa rin siya hanggang ngayon at walang matatawag na dyowa, masaya pa rin ang estado ng kanyang puso dahil sa mga magagandang opportunities na dumarating sa buhay niya.
“I am happy because I am healthy, because of the blessings na ibinigay. I am happy right now more than ever because I gained so many new friends.
“So doon sa pag-shoot namin ng movie parang ‘yon ang pinaka-highlight ng taon ko. I made new friends, a new family,” pahayag ni Alexa sa panayam ng “Magandang Buhay” na ang tinutukoy ay ang pelikulang “Four Sisters Before the Wedding.”
“Wala akong lovelife. Pero sabi ko nga ang dami ko nang pinagsasabay, parang ‘di ko na kaya mag-alaga ng ibang tao. Priorities,” pahayag pa ng aktres na na-link noon sa dati niyang ka-loveteam na si Nash Aguas.
Naging kontrobersyal pa ang paghihiwalay ng kanilang tambalan noong 2019 nang maging magdyowa sina Nash at Mika dela Cruz.
Pag-amin pa ni Alexa, “‘Yung mommy ko nga ‘bakit wala pa?’ ginaganu’n na niya ako. Choice ko naman talaga siya kasi parang stressful masyado.”
Magpo-focus daw muna this year sa kanyang showbiz career at pag-aaral. Kuwento pa ng dalaga, noong kasagsagan ng lockdown, pinagsabay-sabay niya ang trabaho, pag-aaral at paggawa ng musika at bag-enroll din sa isang business course.
Sa darating na Feb. 26, magdiriwang si Alexa ng kanyang 21st birthday at ang kanyang hiling, “Wish ko first of all, sana matapos na ang COVID, ang pandemic. I wish that we could all go back to our old normal lives.
“I also wish the same wish na wini-wish ko every birthday, every Christmas. Ang hinihingi ko is sana lalo na dito sa Philippines ay mabawasan ang cases ng neglected animals, strays.
“‘Yon ang lagi kong hinihingi. Kasi feeling ko purpose ko in life is to care for them and to be their voice,” sey pa ng Kapamilya actress at musician.