Drayber at pasahero sa mga pribadong sasakyan, kailangan nang magsuot ng face mask

Nilinaw ng gobyerno na kailangan nang magsuot ng face mask ang drayber at mga pasahero habang nasa loob ng pribadong sasakyan.

Ito ay alinsunod sa desisyon ng Inter-Agency Task Force on Emerging Infectious Diseases (IATF-EID), Department of Health (DOH) at Department of Transportation (DOTr).

“When the driver is with passenger/s, it is mandatory for all individuals inside the vehicle to properly wear a face mask, regardless if they are from the same household,” saad sa joint statement ng DOH at DOTr, araw ng Biyernes.

Kung bibiyahe naman mag-isa, maaaring tanggalin ng drayber ang kaniyang face mask.

Samantala, para naman sa mga pampublikong sasakyan, ipinatutupad pa rin ang pagsusuot ng face mask ng mga pasahero.