Mula sa Instagram ni Mayor Vico Sotto
Pagkatapos ng siyam na buwan, muling nagkita ang mag-amang Vic at Vico Sotto.
Sa Instagram story ni Pasig City Mayor Vico, makikita sa larawan ang mag-ama at pati na rin ang tatlong taong gulang na si Tali, ang anak ni Vic kay Pauleen Luna.
“First time to see Papa, Pauleen, and Tali after 9 MONTHS!” wika ni Vico
“For those of you who are able to spend time with your loved ones this Christmas – make the most of it!” dagdag pa ng 31-taong gulang na alkalde.
Kung hindi kakayanin ng personal na dalaw, may iba pang paraan para maipadama ang pagmamahal sa pamilya ngayong Kapaskuhan.
“For those who are unable to do so because of work, quarantine, or other circumstances, let’s still find ways to celebrate the spirit of Christmas with one another.. kahit virtually lang muna,” wika pa ng anak ni Vic sa aktres na si Coney Reyes.
“Nawa’y sa gitna ng maraming pagsubok ay maipadama pa rin natin sa isa’t isa ang tunay na diwa ng Pasko,” dagdag niya.
“MERRY CHRISTMAS! 🎄”