Sigaw ni Kim matapos maka-duet si Regine: May himala!
HINDING-HINDI makakalimutan ng Kapamilya actress-TV host na si Kim Chiu ang duet nila ni Asia’s Songbird Regine Velasquez habang siya’y nabubuhay.
Naganap nga ang isa sa mga hindi inaasahang pangyayari sa buhay ng dalaga sa “Ikaw ang Liwanag at Ligaya: The ABS-CBN Christmas Special 2020.”
Talagang nakapag-dialogue pa si Kim ng, “May himala!” matapos ang aniya’y unforgettable experience na makasamang kumanta on stage si Regine.
Ibinandera ng girlfriend ni Xian Lim sa kanyang Instagram account ang isang video clip kung saan mapapanood ang bahagi ng ginawa nilang rehearsal at ang actual performance nila para sa “Ikaw ang Liwanag at Ligaya” kasama ang ilan pang big stars ng Kapamilya Network.
Sey ng aktres sa caption, forever na niyang ite-treasure ang natatanging karanasan niya sa pagpe-perform kasama ang isa sa itinuturing na music icon sa entertainment industry.
Nang mabasa ni Regine ang IG post ni Kim, agad siyang nag-comment ng, “Nako ito na talaga ang simula back to back na yan!!!!”
Hirit naman ni Kim, “Sa susunod po ulit na Christmas special! After 12 months!!!”
View this post on Instagram
Samantala, sa isa pang IG post ng dalaga, nagpasalamat naman siya sa tagumpay ng ABS-CBN Christmas Special 2020. Aniya, sa kabila ng napakaraming pagsubok na hinarap ng network ay patuloy pa rin itong nakapagbibigay ng saya at inspirasyon sa mga Filipino sa buong mundo.
“This year’s ABS-CBN Christmas Special is something. Something we have prayed for. Something to be proud of.
“Something we never thought would happen after all the controversy, issues, trials that happened; it may be a very tough year for all the Kapamilyas, but ABS-CBN still finds its ways to be in the service of the Filipinos,” mensahe pa ni Kim.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.