ENGAGED na sina Andi Eigenmann at Philmar Alipayo!
Ito ang ibinandera ng aktres sa ikalawang bahagi ng kanilang “Happy Island Fam Holiday Getaway” vlog sa YouTube na in-upload ngayong araw.
Ibinalita ng anak ni Jaclyn Jose na nag-propose na sa kanya si Philmar na naganap sa balcony ng kanilang hotel room sa Batangas.
“This actually happened on our 3rd day, but we want to save the best for last. Excuse our footage because it forged up from the rain,” ang pahayag ni Andi sa nasabing vlog.
Chika pa ng aktres, “We’d like to keep the personal conversation just between the two of us, to keep it special, but want to share the moment with you all, anyway.”
Kuwento ni Andi, wala talaga siyang kamalay-malay na magpo-propose na sa kanya si Philmar habang ginagawa nila ang nasabing vlog. Dito sinabi ng champion surfer kung gaano niya kamahal ang nanay ng kanyang anak.
Kasunod nito biglang nag-dialogue si Philmar ng, “From my whole heart, I am asking you if you will marry me.”
Naiyak naman habang tumatawa si Andi nang marinig ang proposal ni Philmar sabay pakita ng kanilang engagement ring.
“So stoked to be riding the waves of life with you forever,” ang nakalagay pang mensahe sa video.
Sa kanyang Instagram account, ipinost naman ni Andi ang litrato nila ni Philmar habang nasa dagat kung saan ipinakita pa niya ang suot na singsing.
Aniya sa caption, “I never thought about how my engagement would go because quite honestly, I didn’t think I’d have one.
“It would’ve been ok regardless, but it did happen. And it happened the way I wanted it and so much more.
“Nothing grand. Unprompted, simple and oh so sincere. That’s us. That’s him. That is how I want the rest of my life to be.
“I am over the moon, so stoked to be spending it with you my mahal @chepoxz!”
Ipinagbubuntis ngayon ni Andi ang second baby nila ni Philmar. Ang panganay nilang si Lilo ay nag-one year old na ngayong taon. May anak din si Andi kay Jake Ejercito, si Ellie.