Mga overseas Filipino workers umuwi ng Pilipinas dahil sa coronavirus disease (Reuters)
Mayroon pang 126,000 overseas Filipino workers (OFWs) ang naghihintay ng kanilang repatriation matapos silang maapektuhan ng pandemya ng Covid-19 sa bansang pinagtatrabahuhan.
Ayon kay Alice Visperas, director ng International Labor Affairs Bureau ng Department of Labor and Employment (DOLE), kabilang sila sa mga OFW na humiling sa pamahalaan na ma-repatriate matapos silang mawalan ng trabaho.
Mayroon namang 82,000 na displaced Filipinos ang nagpasyang manatili sa mga bansa kung saan sila naroroon sa pag-asang makahahanap ng bagong trabaho.
Umabot na sa mahigit 550,000 pandemic-displaced OFWs, ang napauwi sa bansa mula nang magkaroon ng pandemya.
Sa susunod na taon, inaasahang aabot pa sa 80,000 na OFWs ang uuwi sa bansa.