SINIGURO ng Asia’s Multimedia Star na si Alden Richards na kakaibang experience ang naghihintay sa lahat ng mga manonood sa kanyang 10th anniversary concert.
Ito ang kauna-unahang virtual reality concert sa Pilipinas kaya bagong milestone na naman ito sa career ng Kapuso Drama Prince kaya naman talagang gagawin daw niya ang lahat para mag-enjoy ang kanyang fans.
Titled, “Alden’s Reality”, mapapanood ng mga tagasuporta ng Pambansang Bae ang naging journey ng binata sa 10 taon niya sa showbiz at kung ano pa ang mga dapat abangan sa kanyang career.
“It’s basically everything that happened in the 10 years that I’ve been here and also parang ito ‘yung pinakaimportanteng event sa akin na parating pa lang as of the moment, this 10th anniversary in the business,” ani Alden.
“Sabi ko parang hindi naman yata pwedeng palagpasin natin ‘yung 10th anniversary nang wala tayong naibibigay in return to the people who have supported us, who gave me love and support unconditionally.
“And you know, kung hindi dahil sa kanila, I’m not gonna be here. I’m not gonna be celebrating this momentous event in my career.
“Without Direk Pao’s help, and the team behind Direk Paolo (Valenciano), and everyone in GMA, this won’t be possible.
“So this is really a big deal for me and I’m just so happy that I was able to do it, na I’m gonna be able to show it to a lot of people who love and support me all throughout those years,” aniya pa.
“Marami silang makikitang throwbacks doon and of course ‘yung kung ano ba talaga ‘yung journey ng 10 years ni Alden Richards sa industry. So marami tayo mare-reminisce doon kapag napanood natin,” pahayag pa ng binata.
“Actually we have done something magical out of this concept, and I just want to share it with my supporters as well.
“You know, this is really for them, to look back on the 10 years na nasaan na ba tayo, ano mga pinagdaanan natin.
“Kasi kahit ako, when I watch it, noong binasa ko ‘yung whole treatment about the concert, nagulat ako na ‘yun na rin pala ‘yung mga nangyari. Eto parang summary lang, parang balik-tanaw,” lahad pa ng “Eat Bulaga” host.
Mapapanood na ang global event na “Alden’s Reality” sa Dec. 8 which will be best experienced with a limited VR device that comes with the VIP ticket. Visit https://www.gmanetwork.com/synergy for General Admission tickets.