Suportado ni House Speaker Lord Allan Velasco ang deklarasyon ng climate emergency sa layuning pakilusin ang iba’t ibang sangay ng gubyerno at iba pang sektor ng lipunan para labanan ang global warming.
Sinabi ni Velasco na mapupwersa ng deklarasyon ang pamahalaan, kabilang na ang Kongreso at iba pang stakeholders, para ilagay ang climate change sa sentro ng kanilang mga desisyon sa polisiya at pagpaplano.
“Declaring a climate emergency means recognizing that climate crisis is the fight of our lives and that there is an urgent need for a massive-scale mobilization to protect Filipinos and the environment from climate change and its devastating impacts,” wika ni Velasco.
Naniniwala ang House leader na ang Pilipinas ay ilang dekada nang humaharap sa isang climate emergency na nakakaapekto sa milyun-milyong Pilipino.
Ang Pilipinas ay matatagpuan sa tinatawag na Pacific Ring of Fire kung saan madalas ang mga paglindol at pagputok ng bulkan. Madalas ding dinadalaw ng mapaminsalang bagyo ang bansa.
Binanggit na halimbaha ni Velasco ang pinsalang hatid ng Supertyphoon Rolly and Typhoon Ulysses na nagresulata ng pagkasawi ng 73 tao, at malalang pagbaha sa Metro Manila at Cagayan Valley.
“There will be more typhoons that will come our way, and we have to become better at preparations and in handling situations that call for sound judgment to prevent devastating death tolls and economic costs of future calamities,” ayon kay Velasco.
Kamakailan ay in-adopt ng Kamara de Representantes ang isang resolusyon na inendorso ng Committee on Climate Change na nagdedeklara ng climate at environmental emergency.
Nais din ng House Resolution (HR) 1377 na mapakilos ang mga ahensya ng gubyerno at iba pang mga sangay ng pamahalaan, kasama na ang local government unit, para magpatupad ng epektibong hakbangin para labanan ang climate change.