Sa incident report ng Philippine Coast Guard (PCG), ang kinilalang suspek na si Munjiral Kabole ay dinakip ng pinagsanib na pwersa ng Philippine National Police (PNP) at PCG.
Inihain kay Kabole ang warrant of arrest sa mga kaso nitong kidnapping at serious illegal detention.
Nakuha sa kaniya ang isang granada, Cal .45 pistol na may magazine at pitong mga bala, at isa pang magazine na loaded din ng mga bala.
Si Kabole ay isa sa mga kasapi ng Abu Sayyaf na dumukot sa isang Hja Sadday Jalal sa Barangay Kaum-Air, Sumisip, Basilan noong 2009.
Siya ay tagasunod ni ASG sub-leader Pasil Bayali na sangkot sa serye ng harassment sa Basilan.