Si Pat. Brayan Bangayan (kaliwa) habang nagpapaanak sa isang ginang sa kasagsagan ng pagbaha sa Tuguegarao City. Makikita naman si Pat. Jayrick Talosig (kanan) habang nagliligtas sa taong apektado ng pagbaha sa Ilagan City.
Binigyan ng pagkilala ang dalawang pulis na kapwa nagpakita ng natatanging kabayanihan sa rescue operations sa naranasang pagbaha sa Cagayan at Isabela dulot ng Bagyong Ulysses.
Sa idinaos na flag raising ceremony ng Police Regional Office-2, ginawaran ng Medalya ng Kasanayan o PNP Efficiency Medal si Pat. Brayan Bangayan.
Ito ay dahil sa pagsagip ni Bangayan at pagpapaanak sa isang ginang sa kasagsagan ng pagbaha sa Tuguegarao City.
Dahil din sa ipinakitang katapangan ng isa pang pulis, si Pat. Jayrick Talosig, ginawaran naman ito ng Medalya ng Kadakilaan.
Iniligtas ni Talosig ang dalawang lalaki na kinabibilangan ng isang Sangguniang Kabataan chairman mula sa hanggang leeg na baha sa Ilagan City, Isabela.
Pat. Jayrick Talosig (kaliwa), at Pat. Brayan Bangayan