KAKA-POST lang ni Kris Aquino ngayong araw na katatapos lang niyang magpa-swab kasama ang ilang staff dahil may isu-shoot siyang bagong TV commercial.
Aniya, ngayong Linggo, Nob. 8 ito kukunan pero hindi pa niya binanggit ngunit base sa kulay ng logo ng kanyang post ito’y para sa isang malaking supermarket.
“What makes you feel at your comfy best?
“Taking care of yourself, following health protocols, and staying put isn’t just about protecting yourself & your loved ones, it’s also about RESPECTING your work & the wellbeing of all your coworkers.
“Thank you for the trust & all the FUN @shopee_ph. And looking forward to being part of another special family starting this Sunday, November 8 (and lady’s choice Christmas cooking starts airing this Sunday, November 8, too,” sabi ni Kris sa caption.
Sa madaling salita, maraming ganap si Kris ngayong linggo.
Kuwento pa ng Queen of Social Media, “Hello everybody kakatapos lang namin ng PCR (home testing) swabbing and lahat kami naka-quarantine because in a few days, I’m going to shoot a commercial and medyo strict doon, I can’t tell you the rest of the details.
“Except that, tomorrow meron akong recording, basta maloloka na lang kayo.”
Base sa kuwento niya ay may ni-request siyang vocal coach na lagi niyang gine-guest noon sa programa niyang “Kris TV” na baka maloka dahil tuturuan niyang kumanta si Kris.
Na-curious tuloy kami kung ano ang pasorpresa ng TV host sa darating na Linggo dahil bakit kailangan ng vocal coach?
Ito na ba ‘yung sinasabi niyang project na naikuwento niya sa pamamagitan ng blind item kung saan makakasama niya ang dalawang babae na nakasama niya sa “Startalk” (Lolit Solis) at “The Buzz” (Cristy Fermin)?
At sino kaya ‘yung isa pang makakasama nila na binanggit din na “new people”?
Samantala, ipinakita naman ni Kris ang iba’t ibang klase ng bath robe niya na halos iisa naman ang kulay at ang pagkakaiba lang ay may disenyong puso-puso at care bears na bigay daw sa kanya.
Anyway, kaya siguro laging nasa bahay niya o doon na pansamantala nakatira si Atty. Gideon Pena ay para anytime ay puwedeng hingan ng legal advice ni Kris para sa mga desisyon niya.