Ang F4 members (mula sa kaliwa): Vanness Wu, Jerry Yan, Vic Zhou at Ken Zhu. (Screengrab mula sa Weibo/Jiangsu TV via Facebook/@mgphofficial)
Muling magkakasama ang miyembro ng Taiwanese boy band na F4 pitong taon pagkatapos ng kanilang huling appearance bilang grupo.
Kabilang sina Jerry Yan, Vanness Wu, Ken Chu, at Vic Chou sa mga guest performers sa “1,000 Night Festival” na ipapalabas sa ganap na ika-8 ng gabi ngayong Biyernes.
Ang star-studded na festival ay ipapalabas sa Jiangsu Television sa China, katuwang ang Chinese video-sharing mobile app na Kuaishou.
Nabuo ang F4 o Flower Four noong 2001 matapos na sila ay makilala sa buong mundo sa Taiwanese drama series na “Meteor Garden.”
Ilang Taiwanese drama series din ang kanilang pinagbidahan at nakapaglabas pa sila ng tatlong album, ang Meteor Rain (2001), Fantasy 4ever (2002), at Waiting for You (2007).
Huling nag-perform ang F4 bilang grupo sa Spring Festival ng Jiangsu TV sa China noong January 2013.