IDINAAN na lang sa joke ni Judy Ann Santos ang kanyang reaksyon sa plano ni Megastar Sharon Cuneta na mag-early retirement sa mundo ng showbiz.
Nang mabasa ni Juday ang mahabang hugot ni Shawie na ipinost niya sa kanyang Instagram account tungkol sa balak na pagreretiro, hindi siya nakatiis na hindi mag-comment.
Hirit ng misis ni Ryan Agoncillo, “Ate!! Paano na pelikula nating tatlo ni Regine (Velasquez)!!!??”
Reply naman ng movie and OPM icon, “Tara! Kulitin na natin! Hahaha! Miss you so much sis ko. I love you.”
Dagdag pa niyang sagot sa komento ni Juday, “Paano yan sa bahay mo na lang?! Ngek! Hahaha!”
Na-excite naman ang mga fans nina Sharon, Juday at Regine sa posibilidad na magkasama-sama nga silang tatlo sa isang bonggang pelikula. Sure na sure raw sila na tatabo ito ng kita sa takilya.
May ilan pa ngang nag-suggest sa magiging kuwento ng movie na pagsasamahan ng Megastar, ng Soap Opera Queen at ng nag-iisang Asia’s Songbird. Meaning, kahit biro lang ni Juday, sineryoso naman ito ng madlang pipol.
Kamakailan, ibinahagi ni Sharon ang balak na pagre-retire sa entertainment industry na ikinabahala naman ng mga Sharonians. Pero sey naman ni Mega, hindi naman siya basta mawawala na lang bigla na parang bula.
“Kids, please don’t be sad! I still have a few promises & contracts to fulfill. Just seeing as, we don’t know yet when this pandemic is leaving or when a vaccine is going to be discovered, I am preparing for my retirement.
I am semi-retired as it is! “I planned to retire after I got married to Kiko at 30, but I’ve always taken my cues from God. I wed in the middle of shooting ‘Madrasta’ then so many other things followed, so I knew it wasn’t time yet.
“Don’t worry about me—my parents always prepared me for this! And I’ve been getting ready to retire for another two decades,” paliwanag ng singer-actress.
Aniya pa, “I’m not just going to instantly disappear! I owe you that much. But please ready yourselves, okay? I love you. God bless you all.”