ONE month malalayo si Cassy Legaspi sa kanyang pamilya dahil sasabak na rin siya sa lock-in taping para sa Kapuso series na “First Yaya”.
Aminado ang dalaga na magkahalong kaba at excitement ang nararamdaman niya ngayong malapit nang magsimula ang kanilang taping.
Looking forward na rin ang anak nina Carmina Villaroel at Zoren Legaspi na makatrabaho ang lead stars sa serye na sina Gabby Concepcion at Sanya Lopez.
“At first excited, pero ngayon parang I think nervous now. Ha-hahaha! Kasi, oh my gosh, malapit na!
“Tapos ‘yung restrictions nga, ‘yung may lockdown, so parang magbo-boarding school ako for one month. So, I can’t see my family for a month. So ‘yun lang, I think I’m just nervous din, kasi I’m on my own din,” pahayag ng kakambal ni Mavy sa panayam ng GMA.
Pero aniya, palagi naman silang magkausap ng kanyang Mommy Carmina na kasalukuyang naka-lock-in shooting din para isang pelikula.
“Kasi ngayon po, naka-lock down po siya for a movie, so I ask her, ‘Paano ‘yung procedure diyan or something. Is it hard? Fast-paced ba ‘yung shoot?’ something like that,” aniya pa.
Pero sey ni Cassy, mas lamang pa rin ang nararamdaman niyang excitement kesa sa kaba sa pagsisimula ng trabaho nila, “Well of course, I’m still excited no matter who the cast will be. Excited pa rin ako and I think this is something different din.
“Right now kasi, I’m focused on my own work and how I’m going to portray my character properly, so yan muna ang iniisip ko ngayon. Other than that, I’m still excited regardless,” esplika ng dalaga.
Samantala, siguradong marami na rin ang naghihintay sa tambalan nila ng anak ni Manila Mayor Isko Moreno na si Joaquin Domagoso sa “First Yaya.”
“I’m really excited naman to work with him and since I’ve already worked with him before, ‘yun nga sa Studio 7 and All-Out Sundays, I think working with him again sa teleserye mas maging natural siya, like ‘yung acting and all of that.
“I think I’ll be comfortable right away and also I guess, kasi wala din pressure because its both of our first teleserye, so parang okay we got each other. Let’s help each other out. I think ‘yun nga, less pressure,” chika pa ni Cassy.