MARAMING naintriga sa ipinost na teaser ng GMA 7 sa kanilang social media accounts tungkol sa isang young actor na magiging certified Kapuso na rin.
Kanya-kanyang hula ang netizens kung sino ang nasabing male celebrity base sa teaser ad na bumandera sa Kapuso socmed accounts.
“May bagong Kapuso…Malapit niyo nang makilala,” ang nakasulat sa inilabas na promo material ng GMA Artist Center kung saan naroon din ang naka-side view na image ng aktor.
Bukas, Oct. 13 nakatakdang ihayag ng GMA ang identity ng sinasabing multi-talented actor na very soon ay mapapanood na rin sa mga Kapuso shows.
May mga nabasa kaming comments na baka raw si Iñigo Pascual ang mystery actor na ito dahil kamukha nito ang profile ng lalaking nasa litrato na ginamit sa teaser ad.
May nagbanggit din sa pangalan nina James Reid at Elmo Magalona. Pero karamihan sa mga nag-comment sa post ng GMA ay si Khalil Ramos ang hula.
E, kasi nga, prominente ang letter K sa nasabing teaser ad na siyang initial ni Khalil.
Kaya positive raw sila na ang boyfriend ng Kapuso singer-actress na si Gabbi Garcia ang tinutukoy na dating Kapamilya actor na magiging Kapuso na.
Kung matatandaan, may lumabas na chika a few weeks ago na inaayos na ang pagpirma ni Khalil sa GMA Artist Center na siya ring humahawak sa career ng girlfriend niyang si Gabbi.
At kung totoo man ang chikang ito, siguradong magpipiyesta sa sobrang kaligayahan ang mga fans nina Gabbi at Khalil dahil posible na nilang mapanood ang celebrity couple sa mga susunod na projects ng GMA.
* * *
Aliw na aliw ang fans ng internet sensation at vlogger na si Mimiyuuuh ang bonggang bahay na nabili niya para sa kanyang family.
Sa kanyang latest YouTube video, ipinakita ni Mimiyuuuh ang ilang parts ng kanyang house kung saan mapapanood din siya na naglilinis ng kanilang swimming pool.
Dito sinagot din niya ang “69 questions” mula sa kanyang subscribers kabilang na nga rito ang tanong kung ano na kaya ang kanyang buhay after 10 years.
“Living the life. Sana ay okay na ang aking buhay and naggi-give back na ako 10 years from now,” sagot ng sikat na socmed influencer.
Medyo naging emosyonal naman si Mimiyuuuh nang tanungin kung ano ang isang bagay na talagang kinakatatukan niya. Seryosong sagot niya, “Siguro ang mawala ang parents ko.”
Nangako naman si Mimiyuuuh na magkakaroon siya ng house tour video sa kanyang YT channel “real soon.”
Sumikat nang bonggang-bongga si Mimiyuuuh o Jeremy Sancebuche sa tunay na buhay, matapos mag-viral kanyang “Dalagang Pilipina” challenge video.