KINONTRA ng isa pang anak ng award-winning veteran actress na si Caridad Sanchez ang balitang may dementia ang kanyang ina.
Nilinaw ni Alexander Joseph Babao ang inilabas na statement ng kapatid niyang si Cathy Babao, tungkol sa health condition ng beteranang aktres.
Ayon kay Alexander, walang dementia ang nanay niya na 87 years old na ngayon kundi “mild cognitive handicap that goes with ageing.”
Sa ipinadala niyang official statement sa BANDERA, siniguro ng anak ni Caridad Sanchez na “physically fit” pa rin ang aktres na ngayon ay nasa kanyang pangangalaga.
Aniya pa, maliwanag na nilabag ng kanyang kapatid ang “right to privacy” ng kanilang ina.
“I Alexander Joseph S. Babao, son of Caridad Sanchez Babao, was shocked by the article published by my sister which was done without permission, violating the privacy, legacy and honor of my Mother.
“My Mom has a mild cognitive handicap that goes with aging. But it is unfair for her to be disrespected like this.
“Under my care, she remains very physically fit, a source of wisdom, strength and blessing to me whenever we have our late night mother and son conversations.
“I thank the public who still continue to show their support, love and respect for my mother,” ang pahayag pa ni Alexander.
Kamakailan, nag-post ang anak ni Caridad Sanchez na si Cathy tungkol sa kundisyon ng ina at sinabi nga nito na may dementia ang premyadong aktres.
“It’s a long goodbye. Over time, you slowly lose the person. You just prepare for it.
“Why keep it a secret? Hindi naman nakakahiya if we can help others with their journey. I know there are other families going through it but who don’t speak about it.
“Kaya nga dapat may early detection, awareness and acceptance, so we can arm ourselves with the right information and access to right medicines and care.
“I believe my mom will be happy too knowing she was somehow able to help,” aniya sa kanyang post.
Bukas ang BANDERA sa magiging paliwanag ni Cathy Babao hinggil sa mga sinabi ng kapatid. Agad naming ilalabas ang anumang pahayag tungkol dito ng anak ng veteran actress.