Magnitude 5 na lindol, tumama sa Davao Oriental

By: Ulat ng Bandera at Radyo Inquirer - 4 years ago

Niyanig ng magnitude 5 na lindol ang Davao Oriental, Sabado ng umaga.

Ayon sa Phivolcs, tumama ang lindol sa layong 54 kilometro timog-silangan ng Governor Generoso dakong 11:25 ng umaga.

May lalim itong 118 kilometro at tectonic ang pinagmulan.

Naramdaman ang lindol sa mga sumusunod na lugar:

Intensity 2 – Tupi, South Cotabato; General Santos City; Alabel, Sarangani

Intensity 1 – Kiamba, Sarangani; Koronadal City

Wala namang napaulat na pinsala sa Governor Generoso at mga karatig-bayan.

Ngunit nagbabala ang Phivolcs na posibleng makaranas ng aftershocks.