SOBRANG nagandahan si Arci Muñoz sa role niya bilang secret agent sa “Walang Hanggang Paalam.”
“After they pitched it to me, sabi ko, ang ganda ng story for me to pass. Ang ganda-ganda ng role and I’ve been wanting to do action series, drama or movie,” say ni Arci sa Zoom conference ng show recently.
“Ang bilis. Pagka-pitch sa akin, parang nawala lahat ng hesitations. I was like, ‘yeah, I’m game.’ Parang after they pitched it, after a month na pinitch nila sa akin ay nag-start na kami mag-shoot, eh.
“So, I didn’t have much time to prepare but I was just really thankful. This is a blessing. Sino ba naman ako to say no,” dagdag pa niya.
“When I got there, hindi ko naramdaman, honestly, that we are going through something though we are following strict protocols,” kuwento ng actress.
When asked kung meron silang love scene ni Paulo Avelino, wala raw.
“Actually, hindi pa kami umaabot sa kissing scenes, more of the action scenes for me kasi ang role ko dito ay parang secret agent. Alam naman ng tao kapag pinanood mo siya na ang character ko ay in love kay Paulo.
“We had one scene na dapat nga ay parang may love scene, ganyan, pero we can’t do it. We are following strict protocols here,” ani Arci.
“Siguro, I am really grateful na may work ako ngayon. Very thankful ako sa ABS-CBN.
“Ang suwerte namin sa mga bosses namin na talagang iniingatan kami. Sobrang blessed kami na meron kaming ganitong bosses,” she added.
Okay naman ang experience ni Arci while shooting during quarantine.
“First time kong mag-lock in ng ganoon katagal. Mas iniisip ko ang mga tao at home. Malayo ako sa family ko and I am here na maraming tao, ang daming uncertainties. But ipinaramdam nila na safe kami.
“Pagdating namin doon we have PCR test just to make sure that everyone is safe.
“Mas nag-worry ako sa family ko at home. Hindi ako nahirapan, walang praning moment, puwera na lang noong hinihintay mo ang result ng test mo,” dagdag ng aktres.