BURADO na ang Facebook post ng dating broadcaster na si Jay Sonza tungkol sa chikang buntis umano si Julia Barretto.
Ito’y matapos idenay ng Kapamilya actress ang inilabas na balita ni Jay sa FB na pregnant siya at ang itinuturo ngang ama ay si Gerald Anderson.
Tinawag ding fake news ni Gerald ang nasabing balita na talagang naging hot topic sa social media kahapon.
Kasunod nito, nag-post uli si Jay Sonza sa FB at binabawi ang “maagang pagbati” kina Julia at Gerald.
Hindi siya diretsahang nag-sorry sa dalawang Kapamilya stars sa maling balita na nasagap niya pero humingi siya ng pasensya sa “maaga” niyang pagbati.
Narito ang buong FB status ng dating TV host: “Hindi ako buntis.
– julia
“Hindi buntis ang anak ko.
– marjorie
“May umamin kasi. Kaya nagalak ako.
“Kung ganoon po, binabawi ko ang aking masayang pagbati.
“Happy & excited kasi ako kapag may nabibiyayan ng Buhay.
“Pasensiya na kung napaaga ang aking Congratulations.
“Itatabi ko na lang muna iyong regalo ko sa kanila,” ang mensahe pa ni Jay Sonza.
Ito naman ang ipinost niya kahapon na deleted na nga ngayon, “Congratulations sa aking kapitbahay sa Congressional Village, Bahay Toro, Quezon City.
“Napatunayan nina Visoy (Visayan tisoy) Gerald Anderson at anak nina Dennis Padilla at Marjorie na si Julia Barreto na kapuwa hindi sila baog,” aniya pa.
Marami namang netizens ang nagsabi na dapat daw ay kasuhan nina Gerald at Julia ang broadcaster dahil sa pagpapakalat ng fake news pero may nagkomento naman na magsasayang lang daw sila ng pera at oras sa walang kuwentang isyu.
Kayo dear Bandera readers, dapat pa bang idemanda si Jay Sonza o dedma na lang?