VERY proud na ni-repost ng isa sa producer ng Spring Films na si Erickson Raymundo ang poster ng animated film na “Hayop Ka! The Nimfa Dimaano Story”.
Tampok dito ang boses nina Angelica Panganiban, Empoy Marquez, Arci Muñoz, Sam Milby at Robin Padilla.
Ang caption ni Erickson sa nasabing poster, “Finally! Hayop Ka from Spring Films and Rocketsheep Studio will be on Netflix! Congratulations Avid Liongoren. This will be available all over Asia…for now.”
Ito naman ang caption ng Netflix sa kaparehong poster, “Here’s something to start your Monday right: the *first* animated Netflix Film from the Philippines is arriving next month! “Hayop Ka! The Nimfa Dimaano Story” is coming October 29 #HayopKa.”
Ang nasabing animated movie ay idinirek ni Avid Liongoren produced by Piolo Pascual mula sa Rocketsheep Studio at distributed ng Spring Films na mapapanood na sa Okt. 29.
Tanda namin ay ipalalabas sana ang “Hayop Ka! The Nimfa Dimaano Story” nitong unang quarter ng 2020 kung hindi nagkaroon ng pandemic.
Medyo matagal nang nagawa ang movie na ito pero walang kasiguraduhan kung kailan magbubukas ang mga sinehan at kung sakaling magbukas man ay tiyak na hindi mabibigyan ng magandang petsa ang pelikulang pinrodyus ni Papa P dahil puro film festivals na ang buwan ng Oktubre, Nobyembre at Disyembre.
Oo nga naman, kaysa matengga ito, e, di ipasok na lang sa Netflix para kahit paano’y mapanood na ito at kumita naman ang mga producer.