Lotto bettors wagi ng P339M sa Ultra Lotto, P24M sa Mega Lotto

Nag-iisang mananaya ang nakakuha ng jackpot sa Ultra Lotto 6/58.

Nakuha ng bettor ang winning number combination na 18 19 28 09 01 11 sa isinagawang draw noong Linggo.

Ayon sa Philippine Charity Sweepstakes Office, P339,217,037 ang napanalunan ng lotto bettor.

Binili ang winning ticket sa isang lotto outlet sa Quezon City.

May kabuuan namang 57 na mananaya ang nakahula sa lima sa anim na winnning combination. Bawat isa ay makatatanggap ng P120,000 na premyo, ayon sa PCSO,

Sa Mega Lotto 6/45 jackpot, isa ang tumama ng P24 milyon sa winning combination na  37-07-34-17-05-27 noong Lunes.

Umabot naman sa 41 ang nakahula ng lima sa anim na tamang combination number at bawat isa ay mabibigyan ng pabuyang P32,000.