Bagyo sa labas ng bansa lumakas pa–Pagasa

 

 

Patuloy na binabantayan ng Pagasa ang bagyo sa labas ng bansa na mayroong international name na “Haishen.”

Huling namataan ang bagyo sa layong 2,355 kilometro sa silangan ng Extreme Northern Luzon.

Taglay nito ang lakas ng hanging aabot sa 65 kilometro bawat oras at pagbugsong aabot sa 80 kilometro bawat oras.

Kumikilos ang bagyo sa direksyong south southwest sa bilis na 10 kilometro bawat oas.

Ngayong araw, Habagat ang nakaaapekto sa Northern at Southern Luzon.

Ayon sa Pagasa, magiging maaliwalas naman ang panahon sa buong bansa at makararanas lamang ng bahagyang maulap na papawirin na mayroong pulo-pulong pag-ulan.