Higit 13.16-M pamilya, nabigyan ng ayuda sa 2nd tranche ng SAP

By: Ulat ng Bandera at Radyo Inquirer - 4 years ago

Nakapila ang mga benepisyaryo ng Social Amelioration Program sa isang remittance center sa Tondo, Manila. (Lyn Rillon/Inquirer)

Napagkalooban na ng ayuda ang mahigit 13.16 milyong pamilya bilang 2nd tranche ng Social Amelioration Program (SAP) .

Umabot na sa kabuuang 13,161,913 pamilyang benepisyaryo ang nakatanggap ng cash aid.

Ito ay batay sa datos ng Department of Social Welfare and Development hanggang 8;00, Biyernes ng gabi (August 21).

Dahil dito, aabot na sa P78.5 bilyon ang nailabas ng DSWD para sa 2nd tranche ng SAP.

Sinabi pa ng kagawaran na tuloy pa rin ang pamamahagi ng emergency subsidy sa mga benepisyaryo ng SAP, kabilang ang mga “waitlisted” o karagdagang mga pamilya.