2 pang empleyado ng Kamara positive sa COVID-19

By: Ulat ng Bandera at Radyo Inquirer - 4 years ago

Dalawa pang empleyado ng Kamara ang nagpositibo sa COVID-19.

Ayon kay Secretary General Jose Luis Montales, ang isang nadagdag na pasyente ay mula sa Committee on Rules.

Pumasok siya sa trabaho mula July 20 hanggang Aug. 5.

Isinailalim siya sa COVID-19 test matapos mawalan ng panlasa at pang-amoy.

Ang ikalawang pasyente naman ay mula sa Grounds Maintenance Group ng Kamara.

Pumasok siya sa trabaho mula July 20 hanggang 30.

Na-expose naman sya sa kaniyang ka-opisina na na nauna nang nagpositibo sa sakit.

Ayon kay Montales, asymptomatic naman ang naturang empleyado.

Dahil sa dalawang bagong kaso sumampa na sa 42 ang naitatalang kumpirmadong kaso ng COVID-19 sa Kamara.