Higit 10.22-M pamilya, tumanggap ng ayuda sa 2nd tranche ng SAP

By: Bandera at Radyo Inquirer - 4 years ago

Napagkalooban na ng ayuda ang mahigit 10.22 milyong pamilya sa ilalim ng 2nd tranche ng Social Amelioration Program (SAP) .

Umabot na sa kabuuang 10,223,307 pamilyang benepisyaryo na ang nakatanggap ng cash aid.

Ito ay batay sa datos ng Department of Social Welfare and Development hanggang 8:00, Miyerkules ng gabi (August 5).

Dahil dito, tinatayang P66.4 bilyon na ang nailabas ng DSWD para sa 2nd tranche ng SAP.

Sinabi pa ng kagawaran na tuloy pa rin ang pamamahagi ng emergency subsidy sa mga benepisyaryo ng SAP, kabilang ang mga “waitlisted” o karagdagang mga pamilya.