Walang tinatanggap talent fee o kahit ano mula sa mga online seller at small business owner na tinutulungan niya sa pamamagitan ng kanyang social media accounts.
Ibinahagi ng award-winning actress sa kanyang fans and followers ang kaligayahan na naramdaman niya nang magpasalamat ang online seller na tinulungan niya sa pamamagitan ng pagpo-promote ng mga produkto nito sa kanyang Instagram.
Ikinatuwa raw niya ang comment nito na isa raw siyang hulog ng langit sa mga maliliit na negosyo ngayong panahon ng krisis.
Ang iba kasing celebrities at social media influencers ay may hinihinging talent fee kapalit ng pagpo-promote sa kanilang socmed accounts at vlogs pero si Alessandra kahit daw “pa-bankrupt” na ay libre pa ring tumutulong.
“Wala akong matweet na fun dahil pandemic. Yung IG ko mukhang tindahan, makatulong lang sa online sellers.
“Kanina may tinulungan ako kahit pabankrupt nako, sabi nya, Alex, hulog ka ng langit. Di ko naman inexpect pero napangiti nya ako. Hindi yun mapapalitan ng mga lait nyo sakin,” tweet ng dalaga.
Samantala, nag-apologize rin si Alex sa madlang pipol sa ginagawa niyang pagtatanggol sa kanyang mga kaibigang artista na bagamat todo na ang ginagawang pagtulong ay bina-bash at binu-bully pa ng netizens, kabilang na riyan si Angel Locsin.
Ani Alex, “And sorry din sa pagtatanggol ko sa mga kaibigan ko. Nahuhurt talaga ako kasi alam ko ang totoo. Ayoko sa mga naninira ng kapwa. Lalo na ‘tong mga ito. Sorry po. Have a nice day!”
Hirit pa niya sa mga mambabasag sa post niya, “At sa sweet ng tweet ko na yun, once na makabasa ako ng “pero ganito or ganyan” ay ibloblock ko agad AT, ngayon pa lang, humihingi na ako ng tawad. Ang ganda ng mood ko. Wag BV.”