Higit 3.2-M pamilya, tumanggap ng ayuda sa 2nd tranche ng SAP

Napagkalooban ng ayuda ang mahigit 3.2 milyong pamilya sa ilalim ng 2nd tranche ng Social Amelioration Program (SAP) .

Umabot na sa kabuuang 3,244,437 pamilyang benepisyaryo ang nakatanggap ng cash aid.

Batay ito sa datos ng Department of Social Welfare and Development (DSWD) hanggang July 18.

Dahil dito, tinatayang P19.5 bilyon na ang nailabas ng DSWD para sa 2nd tranche ng SAP.