NANGANAK na ang Kapuso actress na si Max Collins sa first baby nila ng asawang si Pancho Magno.
Kahapon isinilang ni Max ang kanilang healthy baby boy sa pamamagitan ng water birth bilang pag-iingat na rin sa COVID-19 pandemic, ayon sa report ng GMA.
“I just don’t feel comfortable in the hospital setting, lalo na now. I just started a course for home birthing. I want it to be a water birth so I’m looking for a mini pool.
“I never thought it would come to this but I think that would be the safest way for me,” pahayag ni Max sa panayam ng 24 Oras.
Dagdag pa niya, “Kasi, imbes na isipin, at hindi kami sure, you know, we’ll just wait na lang for the virus to end. Obviously, hindi natin alam kung kailan mag-e-end, so iniisip namin na mas safe na lang sa house.”
Nitong nagdaang Pasko (2019) ibinandera ng Kapuso couple na magiging mommy at daddy na sila sa pamamagitan ng kanilang vlog titled “Casa Magno” at nito lang Marso nila inihayag na lalaki panganay nila.