P61.8M jackpot nasolo

SA Bulacan tumaya ang nanalo ng P61.8 milyon jackpot prize ng Grand Lotto 6/55 na binola Sabado ng gabi.
Ayon sa Philippine Charity Sweepstakes Office, ang nanalo ay tumaya sa Malolos City.

Natumbok ng solong nanalo ang kombinasyon na 1-35-27-13-9-7. Umabot sa P26.9 milyon ang kabuuang halaga ng itinaya ng lotto fans para sa bola ng Grand Lotto.

Noong Hulyo 17 pa huling tinamaan ang Grand Lotto kaya lumaki na ang premyo. Nanalo ng tig-P36,460 ang 37 mananaya na nakakuha ng lima sa anim na numerong lumabas.