NIYANIG ng magnitude 5.4 lindol ang Cagayan kagabi.
Sa ikatlong update na inilabas ng Philippine Institute of Volcanology and Seismology naramdaman ang lindol alas-7:54 ng gabi.
Ang epicenter ng lindol ay 34 kilometro sa kanluran ng Calayan. May lalim itong 29 kilometro.
Nagdulot ito ng Intensity V sa Calayan, Cagayan.
Intensity IV sa Adams, Bangui, Dumalneg, at Pagudpud, Ilocos Norte.
Intensity III naman sa Abulug, Allacapan, Aparri, Ballesteros, Claveria, Gonzaga, Lasam, Pamplona, at Tuguegarao City, Cagayan; Bacarra, Badoc, Batac City,
Burgos, Laoag City, Pasuquin, at San Nicolas, Ilocos Norte; Flora, Luna, at Santa Marcela, Apayao.
Intensity II naman sa Carasi, Sarrat, at Solsona, Ilocos Norte; Cabugao, Magsingal, San Juan, Santo Domingo, at Sinait, Ilocos Sur.
Intensity I sa San Ildefonso, Ilocos Sur.
Ang mga instrumento naman ng Phivolcs ay may na-detect na Intensity IV sa Pasuquin, Ilocos Norte at Intensity II sa Vigan City, Ilocos Sur.