3 huli sa buy-bust

ARESTADO ang tatlong lalaki sa isinagawang buy-bust operation ng pulisya sa Quezon City kagabi.

Kinilala ang mga suspek na sina David Leuterio, 32, ng Brgy. Holy Spirit, Richard Rivera, 32, at Rogie Managaytay, 29, mga taga-Brgy. Pasong Tamo.

Nakabili umano ang poseur buyer ng shabu sa mga suspek alas-9:30 ng gabi sa Kangkongan st., Luzon Avenue, Brgy. Pasong Tamo.

Nang maaresto ay nakuhanan pa umano sila ng 11 sachet ng shabu na nagkakahalaga ng P81,600.