Jail
KALABOSO ang apat katao na nakuhanan umano ng P170,000 halaga ng shabu sa Quezon City kagabi.
Kinilala ang mga naaresto na sina Anthony Araullo, 49, Emerson Imperial, 42, Elena Garcia, 49, mga taga-Maynila, at Edison Quison, ng Brgy. Saint Peter.
Isang impormante umano ang tumimbre sa pulisya kaugnay ng iligal na aktibidad ng mga suspek.
Alas-9:30 ng gabi ay nakabili umano ang poseur buyer ng P5,000 halaga ng shabu sa mga suspek sa kanto ng A. Bonifacio at Catalina st., Brgy. NS Amoranto.
Nang mahuli ay narekober umano sa kanila ang 25 gramo ng shabu na nagkakahalaga ng P170,000, isang digital weighing scale at motorsiklo.
Si Quison ay dati na umanong nakasuhan kaugnay ng ipinagbabawal na gamot.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.