QC gov’t nagbigay ng tent para sa mga pasahero ng MRT3

NAGBIGAY ng 10 tent ang Quezon City government sa Metro Rail Transit 3 para may masilungan ang mga nakapilang pasahero.

Ang mga tent ay inilagay sa mga istasyon sa North Avenue, Quezon Avenue, GMA-Kamuning at Cubao.

Ang mga istasyong ito ay mayroong mataas na bilang ng mga pasahero.

Limitado lamang ang pasahero na pinasasakay sa bawat bagon bunsod ng ipinatutupad na social distancing policy.

Sa bawat train set ay 153 pasahero lamang ang pinasasakay o 51 pasahero kada bagon.