Rider sinalpok ng jeep, talsik sa kalsada

NASUGATAN ang lalaki makaraang  tumbukin ng jeep ang minamaneho niyang motorsiklo sa Nagcarlan, Laguna.

Naganap ang aksidente sa provincial road sa Brgy. Sta. Lucia.

Nagtamo ng sugat sa ulo ang di-kinilalang biktima na agad namang naisugod sa ospital.

Ayon sa pulisya, hindi na magsasampa ng kaso ang biktima laban sa driver ng jeep matapos silang magkaroon ng kasunduan.

Base sa kuha ng CCTV, nahagip ng jeep, na mabilis ang takbo, ang motor sa pedestrian lane ng nasabing kalsada.

Papunta ang jeep sa bayan ng Sta. Cruz upang umangkat ng paninda nang masalpok nito ang motorsiklong paliko sa kalsada.